Articles Breaking News

🔴 မင်းတပ်မြို့ပေါ်ရှိ စစ်ကောင်စီတပ်ဖွဲ့ဝင်များအား CDF – မင်းတပ်မှ ဝင်ရောက်ပစ်ခတ်၊ စစ်ကောင်စီတပ်သား ၂ ဦး သေဆုံး ၄ ဦး ဒဏ်ရာရ

🔴 မင်းတပ်မြို့ပေါ်ရှိ စစ်ကောင်စီတပ်ဖွဲ့ဝင်များအား CDF – မင်းတပ်မှ ဝင်ရောက်ပစ်ခတ်၊ စစ်ကောင်စီတပ်သား ၂ ဦး သေဆုံး ၄ ဦး ဒဏ်ရာရ

 

 

 

 

ရန်ကုန်၊ အောက်တိုဘာ ၂၁

 

 

 

ချင်းပြည်နယ် မင်းတပ်မြို့ပေါ်ရှိ စစ်ကောင်စီတပ်ဖွဲ့ဝင်များအား CDF – မင်းတပ် တပ်ဖွဲ့မှ အောက်တိုဘာလ ၁၉ ရက်တွင် ပြောက်ကျားစနစ်ဖြင့် ဝင်ရောက်တိုက်ခိုက်ခဲ့ပြီး စစ်ကောင်စီတပ်သား ၂ ဦးသေ ၄ ဦး ဒဏ်ရာရရှိကြောင်း သတင်းရရှိသည်။

 

 

 

 

အောက်တိုဘာလ ၁၉ ရက် နံနက် ၅ နာရီခွဲတွင် မင်းတပ်မြို့ပေါ်ရှိ ခရိုင်ထွေအုပ်ရုံးအား အီနာဂါဗုံးသီးများ ပစ်သွင်းကာ သေနတ်ဖြင့် ပစ်ခတ်တိုက်ခိုက်ခဲ့သလို ညနေ ၆ နာရီတွင် မီးသတ်ရုံး၌ တပ်စွဲထားသော စစ်ကောင်စီတပ်ဖွဲ့များအား ဝင်ရောက်တိုက်ခိုက်ခြင်းဖြစ်ကြောင်း CDF – မင်းတပ်မှ ထုတ်ပြန်ထားသည်။

 

 

 

ကျောက်ထုမြို့မှ တက်လာသော သံချပ်ကာ အမြှောက်ကား ၂ စီးနှင့် စစ်ကားအစီးရေ ၇၀ ကျော်ပါရှိသော ယာဉ်တန်းသည် အောက်တိုဘာလ ၁၄ ရက်တွင် မတူပီမြို့သို့ ထွက်ခွာသွားကာ အောက်တိုဘာလ ၁၉ ရက်တွင် မိုင်တိုင် ၂၃ တွင် ညအိပ်ရပ်နားကြောင်း

 

 

 

အနီးဝန်းကျင်ရှိ ဒေသခံပြည်သူများ၏ နေအိမ်များကို ဖျက်ဆီးကာ၊ ဆိုလာပြားများ အိုးခွက်ပန်းကန်များနှင့်မွေးမြူထားသော နွားနောက် ၆ ကောင်၏ ပေါင်သားများကို ခုတ်ထစ်ယူသွားကြောင်းသိရသည်။

 

 

 

 

လက်ရှိအချိန်တွင် အဆိုပါ စစ်ကောင်စီယာဉ်တန်းသည် မင်းတပ်-မတူပီ လမ်းတဝက်တွင် ရောက်ရှိနေပြီဖြစ်ကြောင်းလည်း ဒေသသတင်းရင်းမြစ်များထံမှ သိရသည်။

 

 

 

 

ဓါတ်ပုံ – မင်းတပ်မြို့ ပြည်သူ့ကျန်းမာရေးဦးစီးဌာနမှူးရုံးရှေ့တွင် တပ်စွဲထားသော စစ်ကောင်စီတပ်ဖွဲ့ဝင်များ (ပုံအဟောင်း ဖြစ်သည်)