အားလုံးသတိထားကြပါရန် – ငွေစက္ကူအတု တစ်သောင်းတန်တွေ မွန်ပြည်နယ် ရေးမြို့နယ်တွင် ပျံ့နှံ့လျက်ရှိ..
မွန်ပြည်နယ်၊ ရေးမြို့နယ်၊ အာယုတောင်ကျေးရွာမှာ အခုရက်ပိုင်းမှာ မြန်မာကျပ်ငွေစက္ကူအတု ကျပ် တစ်သောင်းတန်တွေ ပျံ့နှံ့နေတယ်လို့ ဒေသခံတွေက ပြောပါတယ်။
ဒေသခံရွာသားတစ်ဦးက “အခုပျံ့နှံ့နေတဲ့ ငွေစက္ကူအတုမှာ ကျပ်တစ်သောင်းတန်တွေ ဖြစ်တယ်။ အခုရွာကလူတွေ လက်ဝယ်မှာ ပျံ့နှံ့သလောက်ပြန့်နေပြီး လူတွေက
အများအားဖြင့် သာမန်ငွေစက္ကူလိုပဲ ထင်ကြတယ်။ အတုအစစ် ခွဲခြားဖို့ဆိုတာက ငွေကြေးကျွမ်းကျင်သူတွေက အသိပညာပေးတွေလည်း လုပ်ပေးဖို့ လိုပါတယ်။
ဒီလို အကျပ်အတည်းကာလမှာ ငွေကြေးအတု ရရှိသူမှာ ထိခိုက်နစ်နာမှုရှိတယ်”လို့ ပြောပါတယ်။ ငွေစက္ကူအတုတွေ ဆက်ဖြန့်ပြီးသုံးစွဲနေရင် ဥပဒေအရအရေးယူဖို့ သက်ဆိုင်ရာ တာဝန်ရှိသူတွေနဲ့
ညှိုနိုင်း ဆောင်ရွက်သွားမယ်လို့လည်း အမည်မဖော်လိုသူ ဒေသခံတဦးက ဆိုပါတယ်။ လတ်တလော ငွေစက္ကူအတုတွေကို အာယုတောင်ကျေးရွာမှာပဲ စတင်တွေ့ရှိပြီး ကျန်တဲ့ ပတ်ဝန်းကျင်ရွာတွေမှာတော့ အခုချိန်အထိ မတွေ့ရှိရသေးဘူးလို့ သိရပါတယ်။ ငွေစက္ကူအတုတွေကို မြန်မာနိုင်ငံ အိမ်နီးချင်းနိုင်ငံကနေ
တရားမဝင်လမ်းကြောင်းမှတဆင့် ဝင်ရောက်လေ့ရှိပြီး တရားမဝင်အလုပ်နဲ့ ငွေကြေးလုပ်ကိုင်သူတွေကြားမှာ ပိုမို ပျံ့နှံ့နေကြတယ်လို့ ဆိုပါတယ်။
crd-ဒီဗီဘီ
————
အားလုံးသတိထားၾကပါရန္ – ေငြစကၠဴအတု တစ္ေသာင္းတန္ေတြ မြန္ျပည္နယ္ ေရးၿမိဳ႕နယ္တြင္ ပ်ံ႕ႏွံ့လ်က္ရွိ..
မြန္ျပည္နယ္၊ ေရးၿမိဳ႕နယ္၊ အာယုေတာင္ေက်းရြာမွာ အခုရက္ပိုင္းမွာ ျမန္မာက်ပ္ေငြစကၠဴအတု က်ပ္ တစ္ေသာင္းတန္ေတြ ပ်ံ႕ႏွံ့ေနတယ္လို႔ ေဒသခံေတြက ေျပာပါတယ္။
ေဒသခံရြာသားတစ္ဦးက “အခုပ်ံ႕ႏွံ့ေနတဲ့ ေငြစကၠဴအတုမွာ က်ပ္တစ္ေသာင္းတန္ေတြ ျဖစ္တယ္။ အခုရြာကလူေတြ လက္ဝယ္မွာ ပ်ံ႕ႏွံ့သေလာက္ျပန႔္ေနၿပီး လူေတြက
အမ်ားအားျဖင့္ သာမန္ေငြစကၠဴလိုပဲ ထင္ၾကတယ္။ အတုအစစ္ ခြဲျခားဖို႔ဆိုတာက ေငြေၾကးကၽြမ္းက်င္သူေတြက အသိပညာေပးေတြလည္း လုပ္ေပးဖို႔ လိုပါတယ္။
ဒီလို အက်ပ္အတည္းကာလမွာ ေငြေၾကးအတု ရရွိသူမွာ ထိခိုက္နစ္နာမႈရွိတယ္”လို႔ ေျပာပါတယ္။ ေငြစကၠဴအတုေတြ ဆက္ျဖန႔္ၿပီးသုံးစြဲေနရင္ ဥပေဒအရအေရးယူဖို႔ သက္ဆိုင္ရာ တာဝန္ရွိသူေတြနဲ႔
ညႇိုနိုင္း ေဆာင္ရြက္သြားမယ္လို႔လည္း အမည္မေဖာ္လိုသူ ေဒသခံတဦးက ဆိုပါတယ္။ လတ္တေလာ ေငြစကၠဴအတုေတြကို အာယုေတာင္ေက်းရြာမွာပဲ စတင္ေတြ႕ရွိၿပီး က်န္တဲ့ ပတ္ဝန္းက်င္ရြာေတြမွာေတာ့ အခုခ်ိန္အထိ မေတြ႕ရွိရေသးဘူးလို႔ သိရပါတယ္။ ေငြစကၠဴအတုေတြကို ျမန္မာနိုင္ငံ အိမ္နီးခ်င္းနိုင္ငံကေန
တရားမဝင္လမ္းေၾကာင္းမွတဆင့္ ဝင္ေရာက္ေလ့ရွိၿပီး တရားမဝင္အလုပ္နဲ႔ ေငြေၾကးလုပ္ကိုင္သူေတြၾကားမွာ ပိုမို ပ်ံ႕ႏွံ့ေနၾကတယ္လို႔ ဆိုပါတယ္။
crd-ဒီဗီဘီ
